کونسل میں حکمراں-اپوزیشن کے ہنگامے کی وجہ سے کارروائی دو منٹ بعد ملتوی

بہار قانون ساز کونسل میں آج حکمراں جماعت اور اپوزیشن کے بھاری ہنگامے اور نعرے بازی کی وجہ سے کارروائی کو دو منٹ بعد ہی وقفے تک کے لئے ملتوی کرنی پڑی۔
ڈپٹی چیئرمین هارون رشید جیسے ہی اپنی سیٹ پر آئے بھارتیہ جنتا پارٹی (بی جے پی) کے رجنیش کمار نے وزیر اعظم نریندر مودی کے خلاف پورنیہ میں نازیبا زبان استعمال کرنے اور تصاویر پر جوتے مارنے کے



لئے اکسانے والے کانگریس کوٹے سے آبکاری وزیر عبدالجلیل مستان کو برخاست کرنے کی مانگ کی اور اس سلسلے میں ایوان میں بحث کے لئے دیئے گئے کام روکو تجویز کو منظور کرنے کا مطالبہ کیا۔مسٹر کمار نے کہا کہ وزیر مسٹر مستان کے بیانات کی چہار طرفہ مذمت کی جا رہی ہے، ایسے میں وزیر کو اب تک کابینہ سے برطرف نہیں کیا گیا ہے اور ریاستی حکومت خاموش تماشائی بنی ہوئی ہے۔